感慨！今日經過地產...
65 萬...2003 年的時候，可以買一個單位。
65 萬...今時，只能夠在同一幢大廈，買一個車位！

大考驗！...東鐵、港人、政府大考驗！
新聞報導說...強國網民發起明天萬人東鐵車廂進食！
聽說已有六萬人參加，講真...六百人參加都大煲！
老爸說：「香港人發起萬人圍影 D&G，內地人發起萬人東鐵車廂進食，學我哋啫，吹佢唔漲喎！」說話唔係咁講...

樓價將跌 50%？！
專家分析中以交通銀行羅家聰看得最淡，日前接受置業家居訪問，他表示樓市調整有機會長達三年，調整幅度達四至五成。
嘩？！有冇咁誇張？到時香港冧啦！...你而家持貨都唔少喎，肯定唔係咁睇啦！...身邊朋友都如是反應。事實上 Dozy 曾計算過，與羅家聰評估相若，支持！最壞情況...如果沒有政府干預讓市場自由發展，確實有機會跌五成。羅家聰的論點是...會跌到升市起點。而 Dozy 點計？用當年學股票的圖表分析計算的...

近日在 Facebook 上流傳一篇文章...
台灣作家女王的一篇 Blog...不和負面的人做朋友
聽說...跟香港的文化、教育有關，自小我們就接受懲罰性教育，意思以做錯事要罰為主，而不是鼓勵性教育，負面情緒較易產生。事實上 Dozy 自小就非常負面，直至幾年前下定決心要改變，修讀催眠治療課程，透過自我催眠改善。其實要改變負面的思想並不困難，最困難的是...不察覺自己有問題，也就是盲點。

http://www.wretch.cc/blog/illyqueen/13314126

台灣北海岸有野柳，東海岸有小野柳，仲正！
都是欣賞一望無際的海岸，奇型怪狀的岩石。北海岸野柳，實在太多遊客、太人工化了，主景點女皇頭要排隊拍照，聽說之前曾試過有大陸遊客在景點上寫上到此一遊，引起公憤。東海岸的小野柳，非常寧靜，奇石更多，可以好好享受大自然。

一向很少推介新盤，不過最近兩個贏面甚高...
樓市大迷信！...新樓好！保值、升值潛力高！
唔知點解...身邊朋友 10 個有 9 個都信以為真。
去年新盤例開顛價，當買家傻仔，最離譜的都算係將軍澳天晉，首批呎價 $12,698，屯門海譽首批呎價 $7,218，三流地段賣一品價。大圍盛世首批呎價 $8,109，鴨脷洲南灣首批呎價 $17,288，洪水橋泉薈首批呎價 $5,007，有概念大晒咩？筲箕灣電車路單幢樓譽東首批呎價 $14,398...你唔好理，真係有人落疊，吹咩？講真...邊鬼度有水位？！事實上，好似大圍名城、將軍澳日出康城，近年二手多數蝕錢離場，想守咩？租金回報兩三厘，有咩事點守？咪玩啦！！

今天打開 Facebook，即時嚇一嚇...
原來係夏蕙姨...响「D&G」門外擺 Post 影靚相~~
這兩天沒有留意新聞，原來咁大單！「D&G」我以前都幫襯過幾次，二流品牌而已，使唔使咁吋呀？！意大利？就破產啦！咁巴閉返歐洲賣丫嘛，唔係過來香港開檔搵人仔，收得工啦！

台灣之旅結束，返回主場－銅鑼灣...
創業最難之處，絕對是人事關係...
最近，纖體美容中心幾位大老闆意見不合，拆夥在即。
今年，首項任務是內部重組，秀身男女核心管理團隊，將會逐步撤出現有的旺角店、銅鑼灣店，作為講義氣的小股東，當然跟著老拍檔－品牌創辦人－資深營養師 Mian 撤軍。

全新主場－銅鑼灣新店，亦已投入服務。
雙方律師善後期間，新店同事不能主動聯絡客戶，告知有關安排。原先負責運作的合作夥伴，心裡不服，借意刁難，或不接電話、或不接 Booking，安排或有不完善之處，敬請見諒。若任何朋友已參加秀身男女療程，在此借機會說句 Sorry...我們保證承擔所有責任，新店定當盡力完成所有療程，請致電新店查詢。經過挫折，要吸收教訓，要越戰越強。所以...新店大好多、靚好多，歡迎參觀~~